Еўракамісія рэкамендуе краінам ЕС дазволіць уезд вакцынаваным замежнікам
Еўракамісія рэкамендуе краінам ЕС змякчыць абмежаванні і дазволіць уезд вакцынаваным замежным турыстам. І не толькі з краін з добрай эпідэміялагічнай сітуацыяй. Праўда, яны мусяць прайсці вакцынацыю прэпаратамі, якія ўхвалены ў Еўрасаюзе. Дазвол "можа быць таксама распаўсюджаны на вакцыны, якія завяршылі працэс сертыфікацыі СААЗ [Сусветнай арганізацыяй аховы здароўя] для прымянення ў экстранных сітуацыях". А расійскі "Спутнік" пакуль знаходзіцца "на стадыі ацэнкі".
Пры гэтым парадак перасячэння межаў вызначаецца самастойна краінамі-сябрамі ЕС. Агульнаеўрапейскія сертыфікаты вакцынацыі ці "лічбавыя зялёныя прапускі" пакуль не ўзгоднены.
Time to revive tourism industry & for cross-border friendships to rekindle - safely.
— Ursula von der Leyen (@vonderleyen) May 3, 2021
We propose to welcome again vaccinated visitors & those from countries with a good health situation.
But if variants emerge we have to act fast: we propose an EU emergency brake mechanism.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.
