Электрычка ў Івацэвічах збіла п'янага мужчыну
У Івацэвічах электрычка збіла мужчыну. Няшчасны выпадак здарыўся 22 лтага каля 23:40, інфармуе БЕЛТА са спасылкай на афіцыйнага прадстаўніка УСК па Брэсцкай вобласці Дзмітрыя Іванюка.
45-гадовы мясцовы жыхар ішоў праз каляіны і не звярнуў увагі, што набліжаецца электрацягнік Брэст-Баранавічы. Пазбегнуць наезду не ўдалося. Мужчына памёр ад траўмаў на месцы.
Праверкай гэтага інцыдэнту займаецца Івацэвіцкі райаддзел Следчага камітэта.
Ужо вядома, што пешаход быў п'яным.
