Эксперт: Заменай корпуса праблему не вырашыш, трэба мяняць персанал
![Эксперт: Заменай корпуса праблему не вырашыш, трэба мяняць персанал](/sites/default/files/styles/gallery_main/public/2023-08/1469728518.jpg.webp?itok=ig3UIHK3)
11 жніўня расійскія СМІ распаўсюдзілі інфармацыю аб тым, што Беларусь вырашыла замяніць корпус рэактара да першага энергаблока Астравецкай АЭС. Журналісты спасылаюцца на міністра энергетыкі Беларусі Уладзіміра Патупчыка, які знаходзіцца з візітам у Цюмені.
Фізік, доктар тэхнічных навук Георгій Лепін у размове з Еўрарадыё выказаў меркаванне, што заменай корпуса праблему не вырашыш — яна нашмат глыбейшая: у самім падыходзе да будаўніцтва першай беларускай АЭС.
"Калі персанал на будоўлі Астравецкай АЭС здольны на такія штукі — скінуць падчас мантажа такі складаны аб'ект, то такому калектыву нельга давяраць будаўніцтва гэтага аб'екта. Гэта катэгарычна недапушчальна. Тут павінен быць высокакваліфікаваны склад выканаўцаў. З высакаякаснай тэхнікай. Таму што невядома нават, чым яны гэты корпус падымалі", — кажа Лепін.
Афіцыйнай інфармацыі з Мінэнерга пра замену корпуса рэактара няма — там словы міністра пакуль не каментуюць.