ДТЗ пад Ганцавічамі: аўтамабіль вылецеў у меліярацыйны канал

Зранку 12 жніўня ў Ганцавіцкім раёне адбылося ДТЗ, у якім загінулі два чалавекі, інфармуе gaibrest.by.

25-гадовая дзяўчына на аўтамабілі "Нісан Прэм'ера" ехала па аўтадарозе Н-11 Раздзяловічы-Ясенева. На павароце налева яна не выбрала бяспечную хуткасць, не справілася з кіраваннем, і аўто выехала ў левы прыдарожны кювет. 

Там машына перакулілася ў меліярацыйны канал. Пры гэтым аўтамабіль зваліўся ў канал уніз дахам,: пад вадой апынуліся кіроўца і 24-гадовы пасажыр. Абое яны загінулі ў выніку ДТЗ. 

Па факце ДТЗ праводзіцца праверка.