Долар вырас амаль да 22 тысяч рублёў
9 лютага пасля таргоў на Беларускай валютна-фондавай біржы Нацбанк устанавіў новыя рэкордныя курсы долара і еўра.
Курс долара вырас на 299 рублёў да — 21 959, еўра падаражэў на 421 рубель да — 24 561. Расійскі рубель патаннеў да 280,17 беларускага рубля.
Некаторыя банкі прадаюць еўра па 25 000 — 25 200, а долар — па 22 200 — 22 450.
Беларускі рубель да кошыка валют знізіўся на 0,70%. З пачатку года курс беларускага рубля да кошыка валют знізіўся ўжо на 15,56%, да долара рубель знізіўся на 18,26%, да еўра — на 20,99% і на 9,73% — да расійскага рубля.
