Да станцыі метро “Малінаўка” засталося капаць 330 метраў
70 па правым тунэлі і 260 па левым. У будаўніцтва станцыі ўжо ўкладзена амаль 47 мільёнаў долараў.
Да канца гэтага тыдня будаўнікі павінныя прайсці водненыя грунты левага тунэля. “Гэта дазволіць павялічыць хуткасць бурэння да 3-4 метраў за змену. Да працаў у левым тунэлі неўзабаве далучацца рабочыя, якія вызваляцца з правага тунэля. Завяршыць тунэлі неабходна ў студзені”, — цытуе начальніка УП “Дырэкцыя па будаўніцтве Мінскага метрапалітэна” Паўла Царуна інфармагенцтва БелТА.
Станцыя метро "Малінаўка" павінна быць уведзена ў эксплуатацыю напачатку траўня 2014 года.
Фота: realt.onliner.by.