ЦВК паведаміў сумы на выбарчых рахунках прэтэндэнтаў

ЦВК паведаміў сумы на выбарчых рахунках прэтэндэнтаў

Цэнтрвыбаркам паведаміў, колькі грошай паступіла на выбарчыя рахункі прэтэндэнтаў на прэзідэнцкія пасады. 

Як паведамлялася раней, адпаведныя рахункі адкрылі толькі сем прэтэндэнтаў з чатырнаццаці. Прычым сярод іх няма Аляксандра Лукашэнкі.

Найбольшая сума — на рахунку ў экс-банкіра Віктара Бабарыкі: паступіла 155 083 рублі, выдаткавана на выбарчую кампанію 42 086,02. 

На рахунак Валерыя Цапкалы залічана 32 153 рублі, а выдаткавана 27 035,26. 

4000 рублёў залічана на выбарчы рахунак Ганны Канапацкай. Экс-дэпутатка патраціла на выбарчую кампанію ўжо 3044 рублі. 

У Сяргея Чэрачня на рахунак паступіла 2600 рублёў, і 2501,58 з іх ужо было выдаткавана на кампанію. 

700 рублёў на рахунку ў Святланы Ціханоўскай, 57 — у Андрэя Дзмітрыева, 40 — у Алеся Таболіча. Ніхто з іх яшчэ не чапаў свае выбарчыя фонды.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.

Апошнія навіны

Галоўнае

Выбар рэдакцыі