Вы тут

Ціманоўскую звольнілі з Рэспубліканскага цэнтра алімпійскай падрыхтоўкі

Крысціна Ціманоўская / БЕЛТА

Лёгкаатлетку Крысціну Ціманоўскую звольнілі з Рэспубліканскага цэнтра алімпійскай падрыхтоўкі, паведамляе Беларускі фонд спартовай салідарнасці.

Лёгкаатлетка атрымала паведамленне, што Мінспорту адкамандзіроўвае яе ў Міністэрства ўнутраных спраў — "для далейшага праходжання службы". Ціманоўская павінна прыбыць у МУС 5 жніўня ў 9:00. 

"Дадаткова паведамляю, што ваша адсутнасць на працоўным месцы звыш 3 гадзін лічыцца прагулам і можа пацягнуць за сабой ваша звальненне", — гаворыцца ў паведамленні.

Як паведамлялася раней, 4 жніўня лёгкаатлетка прыляцела ў Вену, адкуль павінна адправіцца ў Варшаву. Ціманоўская атрымала польскую гуманітарную візу.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.