Ціханоўская заклікала ЕС "да больш рашучых захадаў супраць рэжыму Лукашэнкі"
Аляксандр Лукашэнка пакуль адбіваецца "контрсанкцыямі" / Reuters
Кіраўніца Аб'яднанага пераходнага кабінета Беларусі Святлана Ціханоўская заклікала ЕС "да больш рашучых захадаў супраць рэжыму Лукашэнкі, каб падарваць ягоную падтрымку вайны Расіі і дапамагчы нашай барацьбе за свабоду, правы чалавека і дэмакратыю". "Нам патрэбныя не проста словы, але і дзеянні", — напісала яна ў Х (былым Twitter).
Заява Ціханоўскай з'явілася напярэдадні разгляду Саветам ЕС па замежных справах сітуацыі ў Беларусі і Украіне. Міністры замежных спраў краін Еўрасаюза збіраюцца на нараду ў панядзелак. У прыватнасці, гаворка пойдзе "пра апошнія падзеі ў Беларусі", пра тое, што рэжым Аляксандра Лукашэнкі працягвае рэпрэсіі і падтрымку "агрэсіўнай вайны Расіі супраць Украіны".
