Чыноўнікі Мінінфармацыі патлумачылі, чаму заблакавалі сайт TJournal

Доступ да расійскага сайта tjournal.ru быў абмежаваны, бо там выявілі інфармацыю, якую беларускі суд прызнаў "экстрэмісцкай". 

"Аднаўленне доступу да інтэрнэт-рэсурсу магчымае па заяве яго ўладальніка пасля ліквідацыі парушэнняў заканадаўства аб СМІ", — гаворыцца ў паведамленні прэс-службы Мінінфармацыі.

Сайт быў заблакаваны ў Беларусі 9 лютага. 

TJournal збірае навіны пра інтэрнэт, сацсеткі, гаджэты.