Чаму віза ў Еўропу для беларусаў у 2 разы даражэйшая, чым для расіян?
Еўрарадыё вырашыла высветліць, ад чаго залежыць кошт візаў і што Беларусі трэба зрабіць, каб яго паменшыць. Сёння Еўропа беларусу ўсё яшчэ па кішэні.
Усяго 5 еўра каштуе віза ў Літву, Польшчу. Дзве гадзіны на аўтобусе – і вы ў Еўропе. Напэўна, таму каля амбасад увесь час захоўваюцца вялікія чэргі. І гэта пакуль адзіная перашкода. Але ў хуткім часе ўсё зменіцца.
Ужо з лістапада акрамя 9 долараў за квіток у суседнюю Літву і Польшчу жыхар Беларусі павінен будзе заплаціць яшчэ 60 еўра за візу.
Аднак для грамадзянаў балканскіх краінаў, Расіі і Украіны консульскі збор павялічаны не быў. У адрозненні ад Беларусі ён па-ранейшаму складае 35 еўра. Чаму ж для Беларусі Еўрасаюз робіць такое выключэнне?
Тлумачыць кіраўнік офіса ТАСІС у Беларусі Яніс Айзсалніекс:
У Расіі, Украіны і Малдовы ёсць план супрацоўніцтва з Еўрапейскім Саюзам. У адпаведнасці з палітыкай ЕС спрашчэнне візавага рэжыму можа быць разгледжана толькі пасля падпісання Беларуссю с Еўрасаюзам дамовы па вяртанні нелегальных імігрантаў.
Гэта было патлумачана Беларусі ўжо 8 траўня, але Беларусь гэтыя ўмовы пакуль не выканала.
Нагадаем, што яшчэ ў 1995 годзе паміж Беларуссю і Еўрапейскім Саюзам была заключана дамова аб партнёрстве і супрацоўніцтве, дзеянне якой было прыпынена па палітычных матывах. Беларусь не выканала 12 пунктаў, якія былі прапанаваны Беларусі Брусэлем з мэтай актывізаваць супрацоўніцтва ў межах палітыкі добрасуседства.
На думку Яніса Айзсалніекса, візавае пытанне завязана на 12 пунктах, якія выставіў Беларусі Еўрасаюз:
Ратыфікацыя гэтай дамовы была прыпынена з-за таго, што Беларусь не выканала пытанні, пра якія гаворыцца ў 12 пунктах — пытанні правоў чалавека, напрыклад.
Мы вельмі зацікаўлены ў тым, каб пытанні, прапісаныя у 12 пунктах, пачалі выконвацца.
У той жа час афіцыйныя беларускія ўлады не бачаць нічога палітычнага ў візавым працэсе.
Спецпасланнік міністра замежных спраў у структурах Еўрасаюза, дэпутат Палаты прадстаўнікоў Сяргей Гайдукевіч запэўнівае, што зніжэнне кошту візы для беларусаў – справа часу:
Не, гэта зусім несур'ёзна. Уявіце, што вось Еўрасаюз возьме зараз і заявіць, што ўсе грамадзяне Рэспублікі Беларусь будуць пакутваць з-а таго, што вы не выконваеце 12 пунктаў, якія мы вам сказалі. Я тады ўвогуле не разумею, каго ў гэтым выпадку Еўрасаюз прадстаўляе – краіны з развітай дэмакратыяй ці штосьці іншае…
Еўракамісія – гэта вельмі бюракратычная машына. Тэлефануеш ім, а яны кажуць – так, папера ўжо кудысьці пайшла. Потым праз тыдзень тэлефануеш, а яны кажуць – а вы не можаце даслаць шчэ раз, штосьці мы не можам знайсці паперу… Там сістэма вельмі інэртная, вельмі марудная, махавік працуе вельмі складана.
У Еўракамісіі ніхто не сказаў катэгарычнае “не”, кажуць – яшчэ рана, трэба размаўляць.
Гайдукевіч сцвярджае, што з боку Міністэрства замежных справаў пытанне ўжо даўно узнята – ідуць кансультацыі.
Цікава тое, што пазіцыі Гайдукевіча і Мілінкевіча наконт палітызаванасці сітуацыі амаль не адрозніваюцца.
Лідэр апазіцыі, былы кандыдат на пасаду прэзідэнта Беларусі Аляксандр Мілінкевіч:
Гэта нармальны кошт візаў, які ўсталяваны Еўрасаюзам, ён ніяк не спалучаецца з тымі 12 патрабаваннямі. Проста віза ў Еўрасаюз каштуе столькі і столькі, а калі якая дзяржава хоча зніжкі, то яна гэта мусіць абгрунтаваць і ўступіць у двухбаковыя зносіны, чаго Беларусь не зрабіла.
Мілінкевіч лічыць, што цяпер трэба сустракацца, размаўляць, прасіць, чаго ўлада яшчэ не рабіла:
Недастаткова толькі думкі дэмакратычных лідэраў у вырашэнні візавага пытання. Абавязкова трэба выканаць пэўныя крокі з боку ўлады. Толькі ўлада можа звярнуцца ў Еўрасаюз за паніжэннем кошту візы. Расія і Украіна вырашылі, бо там улада гэтым займалася.
Як бачым, усе жадаюць таго, каб сітуацыя вырашылася добра для абодзвух бакоў.
Мілінкевіч: Я цалкам за тое, каб візы каштавалі менш для беларусаў, бо беларусы не пацягнуць такі кошт.
Гайдукевіч: Вынік павінен быць адназначна! Рана ці позна павінна наступіць нейкая раўнавага, таму што выгада ёсць.
Айзсалніекс: У гэтым сэнсе мы аптымістычны: я мяркую, што гэта адбудзецца, пытанне толькі – калі.
Калі – пакуль невядома. Застаецца спадзявацца на двухбаковыя перамовы паміж краінамі.
Фота — photo.bymedia.net
Усяго 5 еўра каштуе віза ў Літву, Польшчу. Дзве гадзіны на аўтобусе – і вы ў Еўропе. Напэўна, таму каля амбасад увесь час захоўваюцца вялікія чэргі. І гэта пакуль адзіная перашкода. Але ў хуткім часе ўсё зменіцца.
Ужо з лістапада акрамя 9 долараў за квіток у суседнюю Літву і Польшчу жыхар Беларусі павінен будзе заплаціць яшчэ 60 еўра за візу.
Аднак для грамадзянаў балканскіх краінаў, Расіі і Украіны консульскі збор павялічаны не быў. У адрозненні ад Беларусі ён па-ранейшаму складае 35 еўра. Чаму ж для Беларусі Еўрасаюз робіць такое выключэнне?
Тлумачыць кіраўнік офіса ТАСІС у Беларусі Яніс Айзсалніекс:
У Расіі, Украіны і Малдовы ёсць план супрацоўніцтва з Еўрапейскім Саюзам. У адпаведнасці з палітыкай ЕС спрашчэнне візавага рэжыму можа быць разгледжана толькі пасля падпісання Беларуссю с Еўрасаюзам дамовы па вяртанні нелегальных імігрантаў.
Гэта было патлумачана Беларусі ўжо 8 траўня, але Беларусь гэтыя ўмовы пакуль не выканала.
Нагадаем, што яшчэ ў 1995 годзе паміж Беларуссю і Еўрапейскім Саюзам была заключана дамова аб партнёрстве і супрацоўніцтве, дзеянне якой было прыпынена па палітычных матывах. Беларусь не выканала 12 пунктаў, якія былі прапанаваны Беларусі Брусэлем з мэтай актывізаваць супрацоўніцтва ў межах палітыкі добрасуседства.
На думку Яніса Айзсалніекса, візавае пытанне завязана на 12 пунктах, якія выставіў Беларусі Еўрасаюз:
Ратыфікацыя гэтай дамовы была прыпынена з-за таго, што Беларусь не выканала пытанні, пра якія гаворыцца ў 12 пунктах — пытанні правоў чалавека, напрыклад.
Мы вельмі зацікаўлены ў тым, каб пытанні, прапісаныя у 12 пунктах, пачалі выконвацца.
У той жа час афіцыйныя беларускія ўлады не бачаць нічога палітычнага ў візавым працэсе.
Спецпасланнік міністра замежных спраў у структурах Еўрасаюза, дэпутат Палаты прадстаўнікоў Сяргей Гайдукевіч запэўнівае, што зніжэнне кошту візы для беларусаў – справа часу:
Не, гэта зусім несур'ёзна. Уявіце, што вось Еўрасаюз возьме зараз і заявіць, што ўсе грамадзяне Рэспублікі Беларусь будуць пакутваць з-а таго, што вы не выконваеце 12 пунктаў, якія мы вам сказалі. Я тады ўвогуле не разумею, каго ў гэтым выпадку Еўрасаюз прадстаўляе – краіны з развітай дэмакратыяй ці штосьці іншае…
Еўракамісія – гэта вельмі бюракратычная машына. Тэлефануеш ім, а яны кажуць – так, папера ўжо кудысьці пайшла. Потым праз тыдзень тэлефануеш, а яны кажуць – а вы не можаце даслаць шчэ раз, штосьці мы не можам знайсці паперу… Там сістэма вельмі інэртная, вельмі марудная, махавік працуе вельмі складана.
У Еўракамісіі ніхто не сказаў катэгарычнае “не”, кажуць – яшчэ рана, трэба размаўляць.
Гайдукевіч сцвярджае, што з боку Міністэрства замежных справаў пытанне ўжо даўно узнята – ідуць кансультацыі.
Цікава тое, што пазіцыі Гайдукевіча і Мілінкевіча наконт палітызаванасці сітуацыі амаль не адрозніваюцца.
Лідэр апазіцыі, былы кандыдат на пасаду прэзідэнта Беларусі Аляксандр Мілінкевіч:
Гэта нармальны кошт візаў, які ўсталяваны Еўрасаюзам, ён ніяк не спалучаецца з тымі 12 патрабаваннямі. Проста віза ў Еўрасаюз каштуе столькі і столькі, а калі якая дзяржава хоча зніжкі, то яна гэта мусіць абгрунтаваць і ўступіць у двухбаковыя зносіны, чаго Беларусь не зрабіла.
Мілінкевіч лічыць, што цяпер трэба сустракацца, размаўляць, прасіць, чаго ўлада яшчэ не рабіла:
Недастаткова толькі думкі дэмакратычных лідэраў у вырашэнні візавага пытання. Абавязкова трэба выканаць пэўныя крокі з боку ўлады. Толькі ўлада можа звярнуцца ў Еўрасаюз за паніжэннем кошту візы. Расія і Украіна вырашылі, бо там улада гэтым займалася.
Як бачым, усе жадаюць таго, каб сітуацыя вырашылася добра для абодзвух бакоў.
Мілінкевіч: Я цалкам за тое, каб візы каштавалі менш для беларусаў, бо беларусы не пацягнуць такі кошт.
Гайдукевіч: Вынік павінен быць адназначна! Рана ці позна павінна наступіць нейкая раўнавага, таму што выгада ёсць.
Айзсалніекс: У гэтым сэнсе мы аптымістычны: я мяркую, што гэта адбудзецца, пытанне толькі – калі.
Калі – пакуль невядома. Застаецца спадзявацца на двухбаковыя перамовы паміж краінамі.
Фота — photo.bymedia.net
