Былы беларускі прэм'ер Сяргей Румас трапіў у спіс, падпісаны прэм'ерам Расіі
![Былы беларускі прэм'ер Сяргей Румас трапіў у спіс, падпісаны прэм'ерам Расіі](/sites/default/files/styles/gallery_main/public/2023-08/dsc_6610_0.jpg.webp?itok=hqxop1qM)
Былы беларускі прэм'ер Сяргей Румас трапіў у "спіс кандыдатаў для абрання ў якасці прадстаўнікоў Расійскай Федэрацыі ў назіральны савет і рэвізійную камісію акцыянернага таварыства "Расійскі Сельскагаспадарчы банк" (г. Масква)". Распараджэнне падпісана 18 сакавіка расійскім прэм'ер-міністрам Міхаілам Мішусціным. Дакумент апублікаваны на афіцыйным інтэрнэт-партале прававой інфармацыі РФ.
Румас прадстаўлены, як старшыня назіральнага савета ААТ "Мінскі трактарны завод". Ім ён быў прызначаны вясной 2019-га, калі яшчэ быў кіраўніком Саўміна.
![Былы беларускі прэм'ер Сяргей Румас трапіў у спіс, падпісаны прэм'ерам Расіі](/sites/default/files/paragraphs/image/ru1.png)
Урадавы дакумент / pravo.gov.ru
![Былы беларускі прэм'ер Сяргей Румас трапіў у спіс, падпісаны прэм'ерам Расіі](/sites/default/files/paragraphs/image/ru2.png)
У спісе — Румас / pravo.gov.ru
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.