Брэстаўчанін вёз кантрабандныя смартфоны на 40 тысяч долараў
У пункце пропуску "Дамачава" беларускія памежнікі спынілі спробу кантрабанды, інфармуе прэс-служба Памежнага камітэта.
Інцыдэнт здарыўся зранку 31 сакавіка. 33-гадовы брэстаўчанін ехаў у Беларусь на "Рэно". Пры афармленні аўтамабіля памежнікі заўважылі прыкметы магчымага тайніка ў аўтамабілі.
Пад заднім сядзеннем і ў кузаве хэтчбека памежнікі разам з мытнікамі выявілі 28 смартфонаў iPhone Xs і два iPhone Xr. Кантрабанда ацэньваецца на суму больш за 85 тысяч рублёў. Да суда канфіскаваны і аўтамабіль, дзе перавозілася кантрабанда, — ён каштуе каля 8 тысяч рублёў.
