Біта vs бензапіла: справа пра разборку ў Мінску хутка трапіць у суд
Завершанае расследаванне крымінальнай справы пра разборку ў Мінску з бітай і бензапілой, інфармуе ў Telegram прэс-служба Следчага камітэта. 6 кастрычніка каля кавярні "Маяк" па вуліцы Маякоўскага ў Серабранцы адбылася бойка паміж двума кампаніямі (у ёй удзельнічалі пяць чалавек). Гэта былі мясцовыя жыхары. Двое хлопцаў патэлефанавалі сваім сваякам і папрасілі іх забраць. На месца здарэння прыехаў 49-гадовы бацька аднаго з удзельнікаў бойкі. З бітай у руках ён стаў наносіць удары маладым людзям. Адзін з іх некалькі разоў падаў і стукаўся галавой, адзначае прэс-служба Следчага камітэта.
Старэйшы брат збітага мужчыны, які таксама прыехаў да кавярні, таксама атрымаў удар бітай. Пасля гэтага ён дастаў з багажніка аўтамабіля... бензапілу і завёў яе. Мужчына сцвярджае, што такім чынам спрабаваў спыніць бойку. І ў яго гэта атрымалася. Ніхто ад бензапілы не пацярпеў. У бальніцу трапілі абодва браты, у старэйшага ад ударай бітай зафіксаваныя цяжкія цялесныя пашкоджанні.
Мужчыне, які напаў на маладых людзей з бітай у руках, выстаўленае абвінавачанне, артыкулы — "хуліганства" і "наўмыснае нанясенне цяжкага цялеснага пашкоджання". Крымінальную справу ўжо атрымаў пракурор. Верагодна, яе неўзабаве перададуць у суд. Што да мужчыны з бензапілой, то ў яго дачыненні і дачыненні іншых удзельнікаў бойкі матэрыялы з крымінальнай справы вылучылі для правядзення праверкі. Іх дзеянням будзе дадзеная прававая ацэнка.
