Белстат апублікаваў статыстыку росту коштаў на камуналку
Белстат апублікаваў індэкс коштаў і тарыфаў на паслугі насельніцтву за снежань 2015–студзень 2016 года. Паводле дадзеных статыстаў, кошты на жыллёва-камунальныя паслугі ў гэты перыяд выраслі… ўсяго на 4%.
Індэкс коштаў і тарыфаў на паслугі, аказваемыя насельніцтву, у студзені 2016 г. у параўнанні са снежнем 2015 г. склаў 104%.
|
|
Студзень 2016 г. к |
|
|---|---|---|
|
снежань |
студзень |
|
|
Паслугі |
104,0 |
115,8 |
|
Бытавыя |
102,6 |
113,3 |
|
Жыллёва-камунальныя |
103,7 |
118,6 |
|
Электразабеспячэнне |
103,8 |
114,3 |
|
Газазабеспячэнне |
105,2 |
106,9 |
|
Водазабеспячэнне |
102,5 |
118,7 |
|
Тэхнічнае абслугоўванне жылых памяшканняў |
103,7 |
140,4 |
|
Ацяпленне |
103,8 |
101,9 |
“Там вы бачыце толькі індэкс павышэння коштаў на камуналку, які быў у снежні, — тлумачыць кіраўніца аддзела статыстыкі коштаў Галоўнага статыстычнага ўпраўлення Мінскай вобласці Валянціна Каралёва. — Бо мы адсочваем інфляцыю па факце аплаты паслугі. То бок у студзені мы яшчэ аплачвалі снежаньскія плацёжкі. За студзень там плацёжак яшчэ не будзе. То бок гэта яшчэ толькі снежаньскае падаражанне прайшло ў студзені. А вось у лютым ужо будзе ўсё астатняе: і газ на 20%, і электраэнергія, і ацяпленне”.
Атрымліваецца, што пакуль Белстат падлічыць, на колькі выраслі тарыфы з новага года, цалкам верагодна, што яны зменяцца зноў. Па загадзе Аляксандра Лукашэнкі Савет міністраў мусіў падрыхтаваць новыя тарыфы на камунальныя паслугі да 1 сакавіка. Але пакуль ніякай інфармацыі на гэты конт не з’яўлялася.
