Беларускія баскетбалісткі прайгралі Чарнагорыі — 72:77 (відэа)
На гэтым этапе Еўра-2015 яны пацярпелі ўжо другую паразу і вельмі ўскладнілі сабе задачу выхаду ў плэй-оф.
Жаночая зборная Беларусі па баскетболе 19 чэрвеня прайграла камандзе Чарнагорыі на другім этапе чэмпіянату Еўропы, які праходзіць у венгерскім Дэбрэцэне. Матч пачынаўся з заўважнай перавагі чарнагорскіх спартсменак і беларускі доўгі час не маглі скараціць разрыў у ліку.
У другой палове гульні зборная Беларусі выглядала больш актыўнай, але так і не змагла вырвацца наперад і замацаваць перавагу ў ачках. У выніку беларускі прайгралі — 72:77.
На групавым этапе беларускі былі лідарамі і не дапусцілі ніводнай паразы. У другім этапе яны прайгралі чэшкам, а цяпер саступілі Чарнагорыі. Гэта значна ўскладняе задачу з выхадам у плэй-оф. Беларусак чакае матч з францужанкамі, якія не дапусцілі ніводнай паразы на Еўра-2015.
Фота: FIBA
