Беларускі ўрад прагназуе на 2020 год рост эканомікі на 2,5%

30 ліпеня на пасяджэнні ўраду прэм'ер-міністр Сяргей Румас распавёў пра эканамічныя задачы на 2020 год. Рост эканомікі вызначаны на 2,5%, інфляцыя не павінна перавысіць 5%, рост рэальных даходаў насельніцтва ацэньваецца на ўзроўні 2,4%, тэмпы росту рэальнай зарплаты — 2,1%.

Румас падкрэсліў, што ў наступным годзе асноўны акцэнт будзе зроблены на забеспячэнні макраэканамічнай збалансаванасці, інфармуе БЕЛТА.