"Беларускі партызан" вырашыў выдаліць свой Telegram-канал
Нягледзячы на тое, што канал будзе закрыты, рэдакцыя працягне працу
"Беларускі партызан" прыняў рашэнне выдаліць свой аднайменны Telegram-канал, паколькі суд прызнаў яго "экстрэмісцкім", паведамляе выданне.
У рэдакцыі "Беларускага партызана" расказалі, што ім невядомыя прычыны, з якіх суд прыняў такое рашэнне ў дачыненні да Telegram-канала, як і тое, "у чым экстрэмізм аб'ектыўнай інфармацыі пра жыццё ў краіне".
Сваё рашэнне закрыць канал "Беларускі партызан" патлумачыў тым, што не хоча "падстаўляць людзей". У той жа час рэдакцыя працягне працу, адзначаецца ў паведамленні.
Суд Чыгуначнага раёна Гомеля ў аўторак прызнаў інфармацыйную прадукцыю Telegram-канала "Беларускі партызан" экстрэмісцкай. ️
