“Беларусбанк” вінен замежным крэдыторам амаль 2 мільярды долараў
Запазычанасць перад замежнымі банкамі і фінансавымі кампаніямі па крэдытных рэсурсах складае 1 мільярд 892 мільёны долараў.
Пра гэта інфармуе БелаПАН са спасылкай на прэс-службу банка, якая паведаміла пра вынікі працы ўстановы за 2013 год.
На 1 студзеня 2014 года нарматыўны капітал банка склаў 21 трыльён рублёў, статутны фонд — 16,7 трыльёна, рэсурсная база — 159 трыльёнаў рублёў.
Аб’ём крэдытнага партфеля банка — 113 трыльёнаў рублёў, у тым ліку крэдыты юрыдычным асобам — 76 трыльёнаў і крэдыты фізічным асобам — 37 трыльёнаў.
