Беларусь пачала вайсковыя вучэнні каля Сувалкскага калідора
Вучэнні ў беларускім войску / "Ваяр"
7 жніўня ў Беларусі пачынаюцца чарговыя вайсковыя вучэнні, паведамляе прэс-служба Мінабароны.
Камандна-штабное вучэнне праходзіць з 6-й асобнай гвардзейскай механізаванай брыгадай на палігоне Гожскі і ўчастках мясцовасці ў Гродзенскай вобласці. Гэта літаральна за пару дзясяткаў кіламетраў ад мяжы з Польшчай і Літвой. Непадалёк знаходзіцца Сувалкскі калідор.
Паведамляецца, што пры падрыхтоўцы вучэння актыўна выкарыстоўваўся досвед расійска-ўкраінскай вайны:
— шырокае ўжыванне беспілотных лятальных апаратаў;
— шчыльнае ўзаемадзеянне танкавых і мотастралковых падраздзяленняў з падраздзяленнямі іншых родаў войскаў.
Раней літоўскі прэзідэнт Гітанас Наўседа канстатаваў перакідванне часткі вагнераўцаў пад Гродна. Ён казаў, што такое размяшчэнне вельмі зручнае для правакацый як на беларуска-польскай, так і на беларуска-літоўскай мяжы.
