Вы тут

Беларусь можа запатрабаваць за аварыю на "Дружбе" 435 мільёнаў долараў

Reuters

Беларусь можа патрабаваць ад Расіі кампенсацыю за аварыя на нафтаправодзе "Дружба" ад 271,3 мільёна долараў да 435,3 мільёна долараў. Такія падлікі прыводзіць расійскае выданне "Ведомости". 
 
У выніку агульныя страты Расіі ад аварыі могуць скласці ад двух да трох мільярдаў долараў. 

У суму, разлічаную расійскімі экспертамі, уваходзіць недаатрыманая выручка беларускай кампаніі "Гомельтранзіт-Дружба" за транзіт нафты на Захад за 14 дзён прастою нафтаправода ($29-35 млн), будучыя страты ў выручцы ад зніжэння прапускной здольнасці "Дружбы" з 65 да 40 млн тон у год ($142-300 млн да канца 2019 года) і шкода ад вымушанага спынення вытворчасці на беларускіх НПЗ (гэтыя страты могуць скласці да $280 млн).

Праблемы з расійскай нафтай пачаліся 20 красавіка. Беларусі бок заявіў, што нафта з Расіі стала паступаць з высокім утрыманнем хлорарганікі. У выніку на Мазырскім НПЗ выйшла з ладу дарагое абсталяванне. Ад паставак няякаснай расійскай нафты адмовіліся Украіна, Славакія, Германія, Польшча.