Беларусь і Расія дамовіліся супрацоўнічаць у вытворчасці ваеннай тэхнікі
![Аляксандр Лукашэнка і Уладзімір Пуцін / "Пул першага"](/sites/default/files/styles/gallery_main/public/2023-08/photo_2022-12-19_19-39-27.jpg.webp?itok=GFxtQKIJ)
Аляксандр Лукашэнка і Уладзімір Пуцін / "Пул першага"
Прэзідэнт Расіі Уладзімір Пуцін заявіў, што Беларусь і Расія будуць разам займацца падрыхтоўкай войскаў, піша расійскае дзяржаўнае інфармагенцтва РІА "Новости".
Першапачаткова заяўлялася, што Расія і Беларусь сёння сканцэнтруюцца на абмеркаванні эканамічных пытанняў. Аднак з вынікаў сустрэчы відаць, што супрацоўніцтва ў ваеннай сферы зрабілася адной з важных тэм, якія абмяркоўвалі Уладзімір Пуцін і Аляксандр Лукашэнка.
Дасягнута адразу некалькі дамоўленасцяў па ваенных пытаннях. Пуцін абмеркаваў з Лукашэнкам "стварэнне адзінай абароннай прасторы", дамовіўся працягнуць практыку сумесных ваенных вучэнняў. Акрамя таго, Лукашэнка і Пуцін дамовіліся, што Беларусь і Расія будуць сумесна працаваць над стварэннем новай ваеннай тэхнікі.
Сёння Пуцін упершыню за 3,5 года пабываў у Мінску. Аднак гэта не першая яго сустрэча з Лукашэнкам за гэты год. У 2022 годзе Пуцін і Лукашэнка сустракаліся 8 разоў.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.