Беларусь хоча павялічыць пастаўкі сельгастэхнікі ў Еўропу
Пра гэта заявіў намеснік міністра замежных спраў нашай краіны Аляксандр Гур'янаў.
Беларусь прапрацоўвае магчымасці павелічэння паставак айчыннай сельгастэхнікі на еўрапейскі рынак. Пра гэта паведаміў намеснік міністра замежных спраў нашай краіны Аляксандр Гур'янаў.
Паводле яго слоў, пытанне пашырэння паставак сельгастэхнікі ў Еўропу цяпер абмяркоўваецца "з еўрапейскімі партнёрамі". Прычына — Расія не можа набываць ранейшую колькасць гэтай беларускай прадукцыі. "Таксама вядзем размовы аб захаванні нашых пазіцый на ўкраінскім рынку. У нас ёсць добрыя зрухі па рынку Азіі", — цытуе словы Гур'янава БЕЛТА.
Намеснік міністра замежных спраў падкрэсліў, што аб'ёмы паставак беларускай прадукцыі ў замежжа "захоўваюцца практычна на ранейшым узроўні". А па некаторых пазіцыях нават адбылося павелічэнне, заявіў Аляксандр Гур'янаў.
Фота: bymedia.net
