Беларусь хоча аднавіць пастаўкі рыбы ў Расію
![Беларусь хоча аднавіць пастаўкі рыбы ў Расію](/sites/default/files/styles/gallery_main/public/2023-08/ryba-0106.jpg.webp?itok=ET92FXjQ)
На выставе "Белагра-2016" беларускі бок правядзе перамовы з Рассельгаснаглядам, каб аднавіць пастаўкі рыбы ў Расію. Пра гэта на прэс-канферэнцыі ў сераду паведаміў намеснік міністра сельскай гаспадаркі і харчавання Леанід Марыніч.
Чыноўнік заявіў, што рыбныя прадпрыемствы ў нашай краіне былі зачыненыя добраахвотна беларускім бокам, бо там былі выяўленыя парушэнні санітарных нормаў і правілаў. Марыніч паведаміў, што тры прадпрыемствы былі адчыненыя напрыканцы красавіка. "Мы гарантуем якасць і бяспеку нашай прадукцыі. Перададзены ўвесь пакет дакументаў, якія запатрабаваў расійскі бок", — перадае БЕЛТА яго словы.
Чыноўнік падкрэсліў, што апошнім часам спрэчныя моманты па пастаўках беларускага харчавання ў Расію вырашаюцца даволі аператыўна. На гэта паўплывалі два фактары. Па-першае больш уважліва сталі працаваць беларускія сантарныя службы. Па-другое, перамовы з расіянамі вядуцца пастаянна: беларускія спецыялісты мінімум два разы на месяц ездзяць у Маскву і ўсе пытанні адразу здымаюць.
Марыніч згадаў і прэтэнзіі да паходжання сыравіны, якая перапрацоўваецца на беларускіх рыбных прадпрыемствах. Ён адзначыў, што правіламі Мытнага саюза вызначана наступнае: "Калі змяняецца код тавару па ТН ЗЭД, то гэта тавар уласнай вытворчасці, і мы маем поўнае права яго рэалізоўваць. Калі мы купілі ў той жа Нарвегіі рыбу, на свае прадпрыемствах яе перапрацавалі, расфасавалі, пасалілі, зрабілі яшчэ нейкія аперацыі — гэта ўжо тавар Беларусі".
Міжнародныя спецыялізаваныя выставы "Белагра", "Белферма", "Белпрадукт", "Прадмаш. Холад. Спакуйце" і "Харчовая індустрыя" пройдуць на тэрыторыі аэрапорта "Мінск-1" з 7 па 11 чэрвеня.