Беларусь абмежавала імпарт бульбы з Еўрасаюза
Часовыя абмежаванні ўведзеныя з 1 лютага на пастаўкі семянной і харчовай бульбы.
Забаронены таксама ўвоз пасадачнага матэрыялу, за выключэннем таго, што паступае для дзяржаўнага выпрабавання гатункаў і навукова-даследчых мэтаў. Выключэнне зробленае для паставак з пітомнікаў, якія знаходзяцца на тэрыторыі ЕС і прызнаныя зонамі, вольнымі ад каранцінных аб’ектаў, інфармуе БЕЛТА са спасылкай на Міністэрства сельскай гаспадаркі.
У ведамстве адзначылі, што часовыя абмежаванні ўведзеныя ў сувязі з неаднаразовымі зваротамі Федэральнай службы па ветнаглядзе Расіі.