Балгарыю абвінавацілі ў жорсткім абыходжанні з мігрантамі
![Балгарыю абвінавацілі ў жорсткім абыходжанні з мігрантамі](/sites/default/files/styles/gallery_main/public/2023-08/balg_bezh.jpg.webp?itok=k6EUYeNh)
Брытанская дабрачынная арганізацыя Oxfam абвінаваціла ўлады Балгарыі ў жорсткім абыходжанні з мігрантамі з Афрыкі і Блізкага Усходу, якія прыбываюць у краіну. У справаздачы арганізацыі падаюцца сведчанні болей за сотню бежанцаў, якія накіроўваліся ў Сербію праз Балгарыю.
Мігранты распавядаюць пра агрэсіўныя паводзіны балгарскіх паліцыянтаў, у прыватнасці пра збіццё і цкаванне сабакамі.
Прадстаўнікі арганізацыі заклікаюць Еўрасаюз умяшацца і зрабіць канкрэтныя захады для абароны асноўных правоў чалавека. Балгарскі ўрад не каментуе высновы Oxfam.
У кастрычніку мігрант з Афганістана быў застрэлены балгарскімі памежнікамі падчас спробы трапіць у краіну з суседняй Турцыі. Тады ўлады заявілі, што забойства было ненаўмысным і адбылося з-за рыкашэту кулі, аднак гэты выпадак выклікаў бурную рэакцыю ў праваабаронцаў, паведамляе ВВС.
Фота: Global Look Press