Арына Сабаленка выйшла ў 1/8 тэніснага турніру ў Пекіне
Кэці Бултэр і Арына Сабаленка / twitter.com/ChinaOpen
Ва ўпартай барацьбе беларуска Арына Сабаленка здолела прабіцца ў 1/8 тэніснага чэмпіянату ў Пекіне.
Першая ракетка свету дзве з паловай гадзіны змагалася з брытанкай Кэці Бултэр (56-я пазіцыя ў рэйтынгу WTA) на кортах China Open. Вынік — перамога з лікам 7:5, 7:6 (7:2).
Наступнай саперніцай беларускі будзе італьянка Жасмін Пааліні (36).
