Арына Сабаленка: Мне ўсё роўна, супраць каго я гуляю
Першая ракетка Беларусі і 25-я ракетка свету Арына Сабаленка выйшла ў паўфінал турніру ў амерыканскім Нью-Хейвене. Там яна сустрэнецца з Юліяй Гергес з Германіі, 9-й у рэйтынгу WTA. А напярэдадні ў чвэрцьфінале Сабаленка ўпэўнена перайграла Белінду Бенчыч (64) са Швейцарыі — 6:3, 6:2.
"Мне ўсё роўна, супраць каго я гуляю, — цытуе словы беларускай тэнісісткі сайт wtatennis.com. — Проста выходжу на корт і стараюся паказаць свой найлепшы тэніс".
Тым часам сталі вядомыя саперніцы беларусак у першым раўндзе адкрытага чэмпіянату ЗША. Арына Сабаленка згуляе з амерыканкай Даніэль Колінс (36), Аляксандра Сасновіч (37-е месца ў рэйтынгу WTA) — з швейцаркай Беліндай Бенчыч (той самай, якую ўчора абыграла Сабаленка), Вікторыя Азаранка (80) — з Вікторыяй Кужмавай са Славакіі (56), Вера Лапко (70) — з Кацярынай Бандарэнка з Украіны (84).
Not only has @SabalenkaA reached the final four of her second consecutive tournament, but she earns the @connecticutopen Shot of the Day for this sensational lob! pic.twitter.com/jmj0syYNvx
— WTA (@WTA) 24 августа 2018 г.
