Аператары мабільнай сувязі "здаюць" сваіх абанентаў, якія былі на Плошчы
Праваахоўныя органы запатрабавалі ў сваё распараджэнне ад аператараў мабільнай сувязі нумары тэлефонаў, зарэгістраваных у сетках аператараў у зоне мітынгу.
Адсеў патэнцыйных арыштантаў вядзецца па банальнай схеме – калі ўладальнік нумара калісьці праходзіў, хай нават у якасці сведкі, або проста згадваўся ў "палітычных" справах, у тым ліку і архівах КДБ, то ён аўтаматычна патрапіць у чорны спіс.
Акрамя таго, супрацоўнікі КДБ ужо абыйшлі ўсё падкантрольныя дзяржаве прадпрыемствы Мінска і запатрабавалі ў аддзелах кадраў спісы супрацоўнікаў, якія ў панядзелак не вышлі на працу па тых або іншых прычынах, паведамляе UDF.BY
.
