Анамальная спёка: У Брэсце пабіты тэмпературны рэкорд
Ён пратрымаўся 21 год.
Паводле звестак рэсурсу meteoinfo.by, у пятніцу 9 жніўня слупок тэрмометра ў Брэсце падняўся да адзнакі 33,8 градуса. Ранейшы максімум тэмпературы ў гэтым горадзе складаў 33 градуса і быў зафіксаваны ў 1992 годзе.
На працягу мінулых дзён абласны цэнтр быў самым цёплым месцам у краіне. Днём там тэмпература павышалася да 34,5 градуса. А вось 9 жніўня цяплей за ўсё было ў Жыткавічах - плюс 34.
10 жніўня тэмпература па краіне істотна не зменіцца. Адно што дажджоў, паводле прагнозаў сіноптыкаў, стане больш.