Аляксандр Лукашэнка прыбыў з афіцыйным візітам у Расію
![Аляксандр Лукашэнка прыбыў з афіцыйным візітам у Расію](/sites/default/files/styles/gallery_main/public/2023-08/lukasenka-1412-1.jpg.webp?itok=FcWnreiO)
Увечары 14 снежня ў маскоўскім аэрапорце "Унукава" прызямліўся самалёт з Аляксандрам Лукашэнкам на борце. Афіцыйны візіт беларускага кіраўніка ў Расію прызначаны на 14-15 снежня.
Як інфармуе БЕЛТА, на 15 снежня запланаваныя перамовы Лукашэнкі з Уладзімірам Пуціным у вузкім і пашыраным складах. Чакаецца, яны абмяркуюць шырокі спектр пытанняў двухбаковых адносін і міжнароднага парадку дня, узаемадзеяння ў інтэграцыйных аб'яднаннях. Па выніках запланавана падпісанне міжнародных дакументаў.
Акрамя таго, Лукашэнка ўскладзе вянок да Магілы Невядомага Салдата.
Раней Лукашэнка планаваў зрабіць свой першы замежны візіт пасля выбараў акурат у Расію. Аднак пасля абвастрэння расійска-турэцкіх адносінаў візіт быў адкладзены, і кіраўнік Беларусі адправіўся ў В'етнам і Туркменістан. Толькі пасля гэтага ён наведвае Маскву.
Фота: БЕЛТА