Агента беларускага КДБ у Румыніі выпусцілі пад хатні арышт
Аляксандру Балан / IPN
Высокапастаўленага малдоўскага разведчыка, арыштаванага ў Румыніі за шпіянаж на карысць КДБ, выпусцілі пад хатні арышт.
19 сакавіка Вышэйшы касацыйны суд у Бухарэсце задаволіў скаргу былога намесніка дырэктара Службы інфармацыі і бяспекі Малдовы Аляксандру Балана. Ён праходзіць абвінавачаным па справе аб дзяржаўнай здрадзе за кантакты з КДБ Беларусі.
Як адзначае MAYDAY са спасылкай на румынскія СМІ, Балан абавязаны насіць электронны бранзалет і не пакідаць месца жыхарства без дазволу следчых.
Аляксандру Балан быў затрыманы 8 верасня 2025 года, калі ў некалькі краінах Еўропы выкрылі сетку агентаў беларускага КДБ. Паводле звестак следства, у 2024-2025 гадах Балан сустракаўся ў Будапешце з супрацоўнікамі беларускай выведкі і за грошы перадаваў ім інфармацыю.
