Адбылося лёсаванне стадыі плэй-оф футбольнай Лігі Еўропы

У швейцарскім Ньёне 17 снежня прайшло лёсаванне стадыі плэй-оф футбольнай Лігі Еўропы.
Адзіны прадстаўнік Расіі "Рубін" у турніры 18 лютага 2010 года ў 1/16 згуляе супраць ізраільскага “Хапаэля” на сваім полі ў Казані. Пераможца гэтага процістаяння сустрэнецца ў 1/8-а з лепшым клубам пары "Вільярэал" (Іспанія) — "Вольфсбург" (Нямеччына). Украінскаму “Шахтару”, які з’яўляецца апошнім пераможцам Кубка УЕФА давядзецца паспрачацца з англійскім "Фулэмам" і ў выпадку перамогі даказаць свае прэтэнзіі на першы тытул у Лізе Еўропы пераможцы пары "Аякс" (Галандыя) — "Ювентус" (Італія). Нямецкі “Гамбург” згуляе супраць галандскага "ПСВ", а галандскі "Твэнтэ" з нямецкім "Вэрдэрам".

Наступныя пары склалі "Атлетык" (Іспанія ) — "Андэрлехт" (Бельгія ), "Капенгаген" (Данія) — "Марсэль" (Францыя), "Панацінаікас" (Грэцыя ) — "Рома" (Італія), "Атлетыка" (Іспанія ) — "Галатасарай" (Турцыя ), "Бруге" (Бельгія) — "Валенсія" (Іспания ), "Ліверпуль" (Англія) — "Уніра" (Румынія), "Стандард" (Бельгія ) — "Зальцбург" (Аўстрыя), "Ліль" (Францыя) — "Фенербахчэ" (Турцыя), "Герта" (Нямеччына) — "Бенфіка" (Партугалія).