Ад стыхіі ў панядзелак загінуў чалавек, некалькі атрымалі траўмы
![Стыхія ў Беларусі / Стихия в Беларуси / mchs.gov.by](/sites/default/files/styles/gallery_main/public/2023-08/stychija-0808-5_1.jpg.webp?itok=xE4lQVkV)
Стыхія ў Беларусі / mchs.gov.by
Ратавальнікі паведамляюць пра наступствы стыхіі, якая напярэдадні абрынулася на Беларусь.
У Віцебскай вобласці зафіксавана 88 выпадкаў падзення дрэваў у розных раёнах, у тым ліку і ў самім абласным цэнтры. Пашкоджаныя 14 легкавых аўтамабіляў (7 у Віцебску, 5 ва Ушацкім раёне, 2 — у Лепельскім), а таксама дахі 73 будынкаў (пераважна — прыватнай забудовы).
Пры падзенні дрэваў ва Ушацкім раёне атрымалі траўму 10-гадовае дзіця і жанчына — іх шпіталізавалі. Яшчэ адзін мужчына траўмаваны ў Лёзненскім раёне.
А ў Вілейскім раёне мужчына падчас падзення дрэва загінуў. Паводле звестак Следчага камітэта, 52-гадовы мужчына з сям'ёй адпачываў на беразе вадасховішча і падчас буры застаўся ў намёце з малодшым сынам. Дрэва, якое звалілася на намёт, забіла бацьку, але не нанесла сур'ёзных траўмамў дзіцяці.
У Мінскай вобласці ратавальнікі 22 разы выязджалі на распілоўку дрэваў у розных раёнах. Ад падзення дрэваў былі пашкоджаныя мінімум 15 аўтамабіляў, а таксама дахі будынкаў.
На Брэстчыне ратавальнікам давялося прыбіраць толькі 9 паваленых дрэваў, пашкоджаны быў адзін будынак.
Па звестках Мінэнерга на 7-ю гадзіну раніцы 8 жніўня, ужо адноўленая падача электрычнасці ў 1829 населеных пунктах. Аднаўленчыя работы працягваюцца ў 655 населеных пунктах.
Найбольш складаная сітуацыя склалася ў Віцебскай вобласці. Там аднаўлення падачы электрычнасці чакаюць больш як 400 населеных пунктаў. Віцебскім энергетыкам дапамагаюць брыгады з Гродзенскай і Магілёўскай абласцей.
![Ад стыхіі ў панядзелак загінуў чалавек, некалькі атрымалі траўмы](/sites/default/files/styles/default_image_paragraph/public/paragraphs/image/stychija-0808-1.jpg.webp?itok=i61UOPsQ)
![Ад стыхіі ў панядзелак загінуў чалавек, некалькі атрымалі траўмы](/sites/default/files/styles/default_image_paragraph/public/paragraphs/image/stychija-0808-2.jpeg.webp?itok=DAwEpJXG)
![Ад стыхіі ў панядзелак загінуў чалавек, некалькі атрымалі траўмы](/sites/default/files/styles/default_image_paragraph/public/paragraphs/image/stychija-0808-4.jpeg.webp?itok=J1a78pge)
![Ад стыхіі ў панядзелак загінуў чалавек, некалькі атрымалі траўмы](/sites/default/files/styles/default_image_paragraph/public/paragraphs/image/stychija-0808-6.jpg.webp?itok=js9wArYK)
![Ад стыхіі ў панядзелак загінуў чалавек, некалькі атрымалі траўмы](/sites/default/files/styles/default_image_paragraph/public/paragraphs/image/stychija-0808-7.jpg.webp?itok=Jk0YnCzo)
![Ад стыхіі ў панядзелак загінуў чалавек, некалькі атрымалі траўмы](/sites/default/files/styles/default_image_paragraph/public/paragraphs/image/stychija-0808-8.jpg.webp?itok=4nAST7kM)
![Ад стыхіі ў панядзелак загінуў чалавек, некалькі атрымалі траўмы](/sites/default/files/styles/default_image_paragraph/public/paragraphs/image/stychija-0808-9.jpg.webp?itok=O5b2zBsa)
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.