Абставіны гібелі рабочага на будаўніцтве Беларускай АЭС высвятляе спецкамісія

Абставіны гібелі рабочага на будаўніцтве Беларускай АЭС высвятляе спецкамісія

Абставіны гібелі рабочага на будаўніцтве Беларускай АЭС высвятляе спецыяльная камісія. Расследаванне праводзіцца Дэпартаментам дзяржаўнай інспекцыі працы Міністэрства працы і сацыяльнай абароны, паведамляе БЕЛТА.

Трагічнае здарэнне адбылося на будаўнічай пляцоўцы другога энергаблока ў 16.20 у пятніцу, 26 жніўня. Спачатку неафіцыйная інфармацыя пра гэта з'явілася ў Facebook. Пасля аддзел інфармацыі і грамадскіх сувязяў Рэспубліканскага ўнітарнага прадпрымства "Беларуская атамная электрастанцыя" распаўсюдзіў кароткую зацемку. У ёй адзначалася, што "падчас выканання будаўнічых работ на пляцоўцы збудавання Беларускай АЭС, у расійскай субпадраднай арганізацыі адбыўся няшчасны выпадак, у выніку якога загінуў чалавек". Пазней Следчы камітэт распавёў некаторыя падрабязнасці. Высветлілася, што на 43-гадовага мантажніка, супрацоўніка арганізацыі "Трест РосСЭМ", зваліўся металічны балон.

Як інфармуе БЕЛТА, па інфармацыі аддзела аховы працы і пажарнай бяспекі прадстаўніцтва Ніжагародскай інжынірынгавай кампаніі Атамэнергапраект (НІАЭП), прычынай трагічнага здарэння магло стаць парушэнне супрацоўнікамі правілаў бяспекі пры падачы балонаў з газавай сумессю. Расіяне сцвярджаюць, што ўсю інфармацыю перадалі беларускаму боку, але і самі праводзяць расследаванне.

Адзначаецца, што цела загінулага адправілі на радзіму, у Расію.

Апошнія навіны

Галоўнае

Выбар рэдакцыі