АБСЕ ўбачыла ў Беларусі прагрэс у арганізацыі выбарчага працэсу
Віцэ-прэзідэнт Парламенцкай асамблеі Арганізацыі па бяспецы і супрацоўніцтве ў Еўропе, кіраўнік працоўнай групы ПА АБСЕ па Беларусі Кент Харстэд выступіў з заявай наконт нядаўніх выказванняў старшыні Цэнтрвыбаркама Лідзіі Ярмошынай па выніках яе сустрэчы з Аляксандрам Лукашэнкам.
“Беларускі ўрад зрабіў пазітыўны крок, пагадзіўшыся рэалізаваць некаторыя рэкамендацыі БДІПЧ АБСЕ, зробленыя неўзабаве пасля назірання за выбарамі ў краіне”, — заявіў Харстэд. Ён таксама адзначыў, што застаецца толькі пабачыць, як абяцанні беларускіх уладаў будуць рэалізоўвацца на практыцы.
Кент Харстэд курыраваў працу назіральнікаў ад ПА АБСЕ і БДІПЧ АБСЕ на прэзідэнцкіх выбарах у Беларусі ў 2015 годзе, нагадвае БЕЛТА.
