9 ліпеня долар падаражэў на 14 рублёў, а еўра — на 20
Сёння прайшлі чарговыя таргі на Беларускай валютна-фондавай біржы, з улікам вынікаў якіх Нацбанк устанавіў новыя курсы.
У чацвер, 9 ліпеня, Нацбанк вызначыў новыя курсы валют з улікам чарговых таргоў на Беларускай валютна-фондавай біржы. Долар падаражэў на 14 рублёў і складае 15 460, курс еўра вырас на 20 рублёў — да 17 066, курс расійскага рубля вырас — з 270,12 да 270,24 беларускага рубля.
Нагадаем, у сераду, 8 ліпеня, курс долара вырас таксама на 14 рублёў і складаў 15 446, курс еўра вырас на 92 — да 17 046, курс расійскага рубля таксама вырас — з 269,56 да 270,12 беларускага рубля.
Фота: Fotolia