35 гадоў таму ў Мінску адбыўся першы дазволены мітынг дэмсіл
Дзясяткі тысяч чалавек на трыбунах стадыёна "Дынама" / t.me/historyja/
35 гадоў таму ў Мінску адбыўся першы дазволены мітынг дэмсіл. Колькасць удзельнікаў, якія сабраліся на стадыёне "Дынама", складала каля 40 тысяч чалавек. На трыбунах былі ўзнятыя бел-чырвона белыя сцягі.
Мітынг на "Дынама" 19 лютага 1989-га быў арганізаваны аргкамітэтам па стварэнні БНФ "Адраджэнне" і Канфедэрацыяй беларускіх суполак. Сярод іншых на ім выступаў Зянон Пазняк. У 1990-м ён стане дэпутатам Вярхоўнага Савета БССР, утворыцца Апазіцыя БНФ, якая ў жніўні 1991 года зможа дамагчыся аднаўлення дзяржаўнай незалежнасці Беларусі.
Выступае Зянон Пазняк
