11:11 Мілінкевіч заклікае абнародаваць прозвішчы “фальсіфікатараў”
Сёння ў Мінску пройдзе чарговае паседжанне Палітрады Аб’яднаных дэмакратычных сіл. Асноўнае пытанне, вынесенае на павестку дня – падрыхтоўка і правядзенне абласных рэгіянальных сходаў АДС, якія маюць за мэту вырашыць існуючыя ў кіраўнічых структурах аб’яднаных дэмсіл спрэчныя моманты. Аляксандр Мілінкевіч, які падчас паседжання будзе старшыняваць, адзначыў, што на сённяшняй Палітрадзе найперш трэба разабрацца з тымі прэтэндэнтамі на ўдзел у Кангрэсе АДС, якіх злапалі на фальсіфікацыях. Яны павінны быць пазбаўленыя права ўдзельнічаць у Кангрэсе, а таксама ў рэгіянальных сходах. Прозвішчы “фальсіфікатараў” павінны быць абнародаваныя.
Па-другое, да прыняцця рашэння на рэгіянальныя сходы ў абавязковым парадку павінна быць вынесена пытанне абрання старшыні Палітрады. Абіраць старшыню Палітрады павінен толькі прадстаўнічы Кангрэс. На рэгіянальных сходах павінны быць таксама прыняты парадак фармавання кіраўнічых органаў аб’яднаных дэмакратычных сіл.