11 траўня ў Беларусі чакаюцца дажджы і навальніцы
У сераду, 11 траўня, ў нашай краіне чакаюцца дажджы і навальніцы. Пра гэта інфармуе БЕЛТА са спасылкай на Рэспубліканскі цэнтр па гідраметэаралогіі, кантролі радыеактыўнага забруджвання і маніторынгу навакольнага асяроддзя Міністэрства прыродных рэсурсаў і аховы навакольнага асяроддзя.
Сіноптыкі прагназуюць пераменную воблачнасць. Уначы месцамі, а днём на большай частцы тэрыторыі пройдуць кароткачасовыя дажджы, у асобных раёнах прагрымяць навальніцы.
Вецер чакаецца няўстойлівы, слабы да ўмеранага, пры навальніцах — парывісты.
Тэмпература паветра ўначы будзе 6-12 градусаў цяпла, удзень чакаецца +19...+25 градусаў.
