ЗША і ЕС расчараваныя прысудам Аляксею Навальнаму
Нагадаем, што лідара расійскай апазіцыі асудзілі на пяць гадоў пазбаўлення волі. Яго прызналі вінаватым у крадзяжы маёмасці прадпрыемства "Кіраўлес".
"Мы глыбока расчараваныя асуджэннем @Navalny і відавочнымі палітычнымі матывамі гэтага судовага працэсу", — напісаў у Twitter амбасадар ЗША ў Расіі Майкл Макфал.
Вярхоўны прадстаўнік Еўрасаюза па замежнай палітыцы Кэтрын Эштан заявіла, што вердыкт Ленінскага суда горада Кірава ставіць пад пытанне вяршэнства закона ў Расіі.
Як перадае ВВС, Эштан таксама выказала надзею, што абвінаваўчыя прысуды Навальнаму і Пятру Афіцэраву, таксама асуджанаму па гэтай справе, будуць перагледжаныя пры падачы апеляцыі.
Фота — politzametki.ru
