Затрыманыя падазраваныя ў дзёрзкім нападзе на ювелірную краму "Яхант"
![Затрыманыя падазраваныя ў дзёрзкім нападзе на ювелірную краму "Яхант"](/sites/default/files/styles/gallery_main/public/2023-08/zatrkr.png.webp?itok=MRskZtfC)
У МУС паведамілі пра затрыманне двух падазраваных у дзёрзкім нападзе на мінскую ювелірную краму "Яхант". Здарэнне адбылося 17 жніўня. Зламыснікі распылілі ў памяшканні крамы пярцовы газ (наведнікаў у той момант не было). Аднаму прадаўцу яны звязалі рукі пластыкавай сцяжкай, а іншаму надзелі кайданкі. З вітрыны рабаўнікі забралі ўсе каштоўнасці і ўцяклі. Страты крамы склалі больш за мільён рублёў.
Падазраваныя былі затрыманыя 3 верасня. У іх кватэрах правялі ператрусы, знайшлі пластыкавую сцяжку, падобную да той, якой карысталіся падчас нападу. Частку скрадзенага знайшлі ў схованцы па месцы жыхарства сваяка аднаго з падазраваных.
Правяраецца датычнасць затрыманых да яшчэ як мінімум трох нападаў на прыватныя дамы.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.