Затрыманы яшчэ адзін супрацоўнік гомельскіх "Моцных навін"
![Яўген Сувораў / "Моцныя навіны"](/sites/default/files/styles/gallery_main/public/2023-08/suvorov_gomel_29_10.jpg.webp?itok=4JI_rGau)
Яўген Сувораў / "Моцныя навіны"
Пра тое, што адміністратар сайта "Моцных навін" Яўген Сувораў быў затрыманы, у рэдакцыі даведаліся позна ўвечары ў сераду.
"Падрабязнасці затрымання, а таксама прычыны і абвінавачанні на дадзены момант нам невядомыя", — гаворыцца у паведамленні, апублікаваным на партале.
Да гэтага часу ў "Моцных навінах" таксама не ведаюць, дзе знаходзіцца кіраўнік відэааддзела партала Надзея Пужынская. Сувязь з ёй знікла ў панядзелак 26 кастрычніка. Яе не ўдалося знайсці ні ў адным РАУС Гомеля, ні ў ІЧУ, ні ў СІЗА.
Супрацоўнікі "Моцных навін" затрымліваліся і раней. 3 кастрычніка за "ўдзел у несанкцыянаваным мерапрыемстве" былі затрыманыя галоўная рэдактарка партала Ганна Якштас і яе муж Дзяніс. Ён таксама з'яўляецца супрацоўнікам рэдакцыі. Ганну пазней аштрафавалі, Дзяніса асудзілі на 15 сутак арышту.
Акрамя таго, у рэдакцыі прайшоў ператрус. Былі канфіскаваныя два ноўтбукі, некалькі тэлефонаў, флэшкі, нататнікі.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.