Затрыманы былы міліцыянер, які казаў пра катаванні на Акрэсціна

Затрыманы былы міліцыянер, які казаў пра катаванні на Акрэсціна. Дзмітрый Кулакоўскі спрабаваў з'ехаць з Беларусі, але высветлілася, што выезд за мяжу для яго часова абмежаваны. Як паведамляе TUT.by, экс-міліцыянер быў затрыманы і дастаўлены ў ізалятар, на гэты раз ужо па крымінальнай справе. Гаворка ідзе пра "абразу прадстаўніка ўлады".

Кулакоўскі — былы начальнік крымінальнага вышуку Заводскага РУУС Мінска. Ён звольніўся неўзабаве пасля прэзідэнцкіх выбараў, паколькі быў нязгодны з дзеяннямі ўладаў. У кастрычніку яго затрымалі, ён правёў 27 сутак за кратамі ў ізалятары на Акрэсціна. Спачатку далі 12 сутак за "непадпаракаванне" і адправілі ў карцэр. Пасля былі яшчэ 15 сутак і зноў за "непадпарадкаванне". Умовы ўтрымання былі ранейшыя. Калі яго гісторыя трапіла ў СМІ, Кулакоўскага перавялі ў звычайную камеру.

Пра Дзмітрыя Кулакоўскага і жахлівыя ўмовы ўтрымання на Акрэсціна згадвае Зміцер Дашкевіч (на відэа).

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.