Затрымалі таксіста, які ў 2020-м дапамагаў пратэстоўцам
Віталь Шавураў / vk.com
Затрымалі таксіста, які ў 2020-м дапамагаў пратэстоўцам. Яго абвінавачваюць ва ўдзеле ў пратэстах і ў "няправільных паводзінах" з кліентам-міліцыянерам (адмовіўся везці жанчыну — лейтэнанта міліцыі). Распачатыя крымінальныя справы. Відэа з таксістам з'явілася ў адным з тг-каналаў сілавікоў.
Як піша "Наша ніва", затрыманы — гэта 50-гадовы Віталь Шавураў з Мастоў на Гродзеншчыне. У таксі ён працаваў у апошнія гады.
Пасля затрымання ў тэлефоне мужчыны нібыта знайшлі фота з пратэстаў 2020-га. Таксама ён кажа на відэа, што вывозіў дэманстрантаў на ўласным аўто, каб выратаваць іх ад затрымання сілавікамі, а таксама перакрываў машынай рух.
