Вы тут

За жарт у Twitter мінчанка асуджана на год "хатняй хіміі"

Ганна Важнік (злева) у судзе / spring96.org

28 чэрвеня ў судзе Кастрычніцкага раёна Мінска вынесены прысуд 26-гадовай настаўніцы музыкі Ганне Важнік (суддзя — Алена Жывіца). Яна перарабіла дзяржаўны гімн Рэспублікі Беларусь і змясціла тэкст у Twitter ("Мы экстрэмісты, мірныя людзі..."). У выніку стала фігуранткай крымінальнай справы за "здзек над дзяржаўнымі сімваламі". Прысуд — абмежаванне волі тэрмінам на адзін год без накіравання ў папраўчую ўстанову, паведамляе spring96.org.

У Беларусі дагэтуль не было крымінальных спраў за жарт у Twitter.

Настаўніцу затрымалі ў красавіку, але праз некалькі дзён выпусцілі пад асабістае паручальніцтва бацькоў. Важнік заявіла, што лічыць здзейсненае памылкай і што яна не мела намеру здзеквацца над дзяржаўным гімнам. Пераробкай мінчанка хацела паказаць на людзей, якія "прадпрымалі разбуральныя дзеянні супраць улады". Абвінавачаная падкрэсліла, што яна апалітычная.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.