З прадукцыі “Савушкіна” вычысцілі дату ўваходжання Брэста ў Расійскую Імперыю
![З прадукцыі “Савушкіна” вычысцілі дату ўваходжання Брэста ў Расійскую Імперыю](/sites/default/files/styles/gallery_main/public/2023-08/img_20190606_104055.jpg.webp?itok=DGrTCBM2)
З малочнай прадукцыі кампаніі “Савушкін прадукт”, якая выпускаецца пад маркай “Брест-Литовск”, знікла дата — 1795. Зараз на ўпакоўцы засталася толькі выява брэсцкага вакзала. Першапачаткова дату нанеслі на ўпакоўку таму, што ў 1795 годзе горад Берасце стаў называцца Брэст-Літоўскам і ўвайшоў у склад Расійскай Імперыі.
![З прадукцыі “Савушкіна” вычысцілі дату ўваходжання Брэста ў Расійскую Імперыю](/sites/default/files/paragraphs/image/smetana.jpeg)
![З прадукцыі “Савушкіна” вычысцілі дату ўваходжання Брэста ў Расійскую Імперыю](/sites/default/files/paragraphs/image/img20190606103137.jpg)
А вось Брэсцкі чыгуначны вакзал быў адкрыты толькі ў 1886 годзе, праз 91 год пасля перайменавання Брэста. У некаторых спажыўцоў узніклі пытанні наконт разыходжання. Раней кіраўніцтва “Савушкіна” казала, што не бачыць неадпаведнасці ў наяўнасці на ўпакоўцы адначасова і даты, і малюнка. Па іх словах, дата сімвалізуе толькі перайменаванне, а вакзал намаляваны ў якасці пазнавальнага сімвала Брэста.
У піяр-аддзеле “Савушкіна” Еўрарадыё сказалі, што нічога надзвычайнага з упакоўкай не адбылося. “У нас рэгулярна праводзіцца рэдызайн упакоўкі, рэдызайн таварных знакаў. У дадзеным выпадку адбылося вычышчэнне таварнага знака. І нічога больш”, — распавяла прадстаўніца прадпрыемства.
![З прадукцыі “Савушкіна” вычысцілі дату ўваходжання Брэста ў Расійскую Імперыю](/sites/default/files/paragraphs/image/img20190606103219.jpg)