Яшчэ адзін мост у Магілёўскай вобласці апынуўся пад вадой
Звычайна мост падтапляецца вясной / mchs.gov.by
Яшчэ адзін мост у Магілёўскай вобласці апынуўся пад вадой. Адбылося гэта ў выніку ўздыму ўзроўню вады ў рацэ Сож.
Як паведамляюць ратавальнікі, каля вёскі Парадзіна ў Мсціслаўскім раёне падтоплены 45-метровы нізкаводны жалезабетонны мост і 55 метраў участку дарогі. Максімальны ўзровень вады — 40 см. Адзначаецца, што "жыццезабеспячэнне насельніцтва не парушана", а пацярпелых няма.
Мост каля Парадзіна падтапляецца амаль штогод. Аднак звычайна гэта адбываецца вясной.
Днямі пад вадой апынуўся нізкаводны жалезабетонны мост мост каля вёскі Скварск у Чавускім раёне Магілёўскай вобласці.
