Вы тут

Як прайшоў першы сход былых беларускіх сілавікоў-апазіцыянераў

Падчас сходу / @By_Pol

У замежжы прайшоў двухдзённы сход ініцыятывы ​BYPOL з прадстаўнікамі суполак арганізацыі. Яна аб'ядноўвае былых і дзейных беларускіх сілавікоў. BYPOL рэгулярна публікуе ўнутраныя дакументы сілавых структур, аўдыёзапісы, новыя звесткі па расследаванні гібелі пратэстоўца Рамана Бандарэнкі.

На сходзе было заяўлена, што колькасць сябраў арганізацыі істотна вырасла. У ёй ёсць супрацоўнікі нават такіх арганізацый, як КДБ, ААЦ і Служба бяспекі прэзідэнта.

Высвятляецца, што ўнутраныя дакументы сілавых структур у BYPOL паступаюць штодня. Асаблівая ўвага надаецца супрацоўніцтву з дзейнымі супрацоўнікамі, якія не звольніліся і дапамагаюць апазіцыянерам.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.