Як будуць выглядаць вагоны трэцяй лініі мінскага метро (фота)
Кіраўніцтва метрапалітэна наведала Нямеччыну і Швейцарыю.
Цягнікі Stadler будуць курсіраваць на трэцяй лініі мінскага метро. Яны вельмі падобныя на тыя, якія замовіла для сябе метро Берліна. Як адзначае CityDog, мінскія вагоны будуць адрознівацца ад берлінскіх, паколькі ў Беларусі больш шырокая чыгуначная каляіна, чым у Еўропе. Да таго ж у нас яны не жоўтыя, а светла-бірузовыя.
Цягнік будзе складацца з пяці вагонаў, злучаных скразным праходам. У кожным вагоне з'явяцца камеры відэаназірання, кандыцыянеры. Плануецца ўстанавіць кнопкі для самастойнага адкрыцця дзвярэй пасажырамі пасля спынення цягніка.
Як інфармуе "Транспортник столицы", выпрабаванні новых цягнікоў пачнуцца ў мінскім метро ў канцы 2015-га — у пачатку 2016 года.